Ukara Tanduk lan Ukara Tanggap

·         Ukara tanggap yaiku tembung lingga kang oleh ater – ater tripurusa. Tembung tanggap uga diarani kalimat pasif. Cirine ukara tanggap yaiku:

Ø  Jejere dikenaki pagaweyan

Ø  Wasesane tembung tanggap lingga + tripurusa

Ø  lisane nindakake pagaweyan

·         Ukara tanduk, cirine yaiku:

Ø  Jejere nindakake pagaweyan

Ø  Wasesane tembung tanduk (lingga + anuswara)

Ø  Lesane dikenaki pagaweyan.

·         Tuladha Liyane:

1.    Samsul makani pitik (ukara tanduk)

2.    Susi nyaponi latar (ukara tanduk)

3.    Pitik di pakani Samsul ( ukara tanggap)

4.    Latar disaponi Susi (Ukara tanggap)

Rimbag Bawa "ma" lan Rimbag Bawa "na"

a.       Rimbag bawa “ma”

Yaiku tembung kang oleh seselan “um”

Tuladha :

·         Sandhing         + (um)   = sumandhing

·         Degan                                + (um)   = dumegan

·         Gantung           + (um)   = gumantung

b.      Rimbag tanggap “na”

Rimbag tanggap “na” yaiku tembung lingga oleh seselan “in”

·         Tulis                    + (in)     = Tinulis

·         Jupuk                 + (in)     = jinupuk

·         Jambak                              + (in)     = jinambak

Rimbag tanggap na iku kaerang dadi 3, yaiku:

1.      Rimbag tanggap na kriya wantah

Rimbag tanggap na kriya wantah yaiku tembung lingga kang oleh seselan “in” tanpa oleh panambang.

Tuladha :

·         Tulung                               + (in)     = tinulung

·         Sawang                             + (in)     = sinawang

·         Tuding                               + (in)     = tinuding

2.      Rimbag tanggap na ke – kriya

Yaiku tembung lingga kang oleh seselan “in” lan panambang “e” utawa “ake”.

Tuladha :

·         Tulis                    + (in)                     + (ake)                 = tinulisake

·         Sebar                 + (in)                     + (ake)                 = sinebarake

·         Jupuk                 + (in)                     + (ake)                 = jinupukake

3.      Rimbag tanggap na i – kriya

Yaiku tembung lingga kang oleh seselan “in” lan panambang “an”

Tuladha:

·         Payung                               + (in)                     + (an)                   = pinayungan

·         Gayuh                                + (in)                     + (an)                   = ginayungan

·         Sepuh                                + (in)                     + (an)                   = sinepuhan

Parikan

Parikan iku unen – unen kang kawengku paugeran gumathuk, yaiku:

1.      Kadadeyan saka rong gatra.

2.      Gatra sapisan minangka pencokan

3.      Gatra kapindho minangka wose/ isi.

4.      Nggunakake purwakanthi swara.

Tuladha :

1.      Parikan rong gatra pedhotan 4 wanda + 4 wanda.

·         Manuk glathik, dibubuti

Slendhang batik, manas ati.

·         Sore – sore, masuh klambi

Aja kowe, ra tak wehi

·         Ondhe – ondhe, ora legi

Gelung kondhe, merak ati.

2.      Parikan rong gatra pedotan : 4 wanda + 8 wanda

·         Kembang mawar, ganda arum ngambar –ambar

Ati binger, mung yen mentas nampa bayar

·         Wedang bubuk,kemriuk gulane remuk

Watak umuk, akeh wong kang ora rujuk

·         Kembang epring, calumpring tibane miring

Ngolang – ngaling, kepranan sing klambi kuning.

3.      Parikan kedadeyan 4 gatra

·         Elor mendhung, kidul mendhung

Aling – aling godhong jarak

Bapak nundhung, simbok nundhung

Aku dhewe murang sarak

·         Numpak kreta maca koran

Mudhun kreteg nyang warung sate

Aja percaya kertas lapuran

Deleng shisik kasunyatane.

Wangsalan

Yaiku unen – unen/ tetembung kaya cangkriman kang batangane wis dikandhakake nanging ora melok.

Tuladha :

1.     Mbalung Krambil, geleme mung ethok – ethokan.

a.    Cangkrimane                : mbalung krambil

b.    Tebusane                    : ethok – ethokan

c.    Batangane                   : bathok

2.    Aja nganak bebek, mung wira – wiri bae.

a.    Cangkrimane               : nganak bebek

b.    Tebusane                   : wira wiri

c.    Batangane                   : meri

3.    Ora ketang klambi cekak, utang selak dak lakoni.

a.    Cangkrimane                : klambi cekak

b.    Tebusane                    : ulang

c.    Batangane                   : kotang